Síðan við komum heim..

..frá Barcelona hefur verið yndislegt veður í Vín og við Eyþór höfum nýtt okkur það aðeins.

• Við tókum rölt á aðalverslunargötu Vínar, Mariahilferstrasse og fengum okkur ís.
• Spókuðum okkur á Maria-Theresien Platz, sem er græna svæðið á milli tveggja stærstu safnanna í Vín.
• Fórum á Hjaltalín tónleika.
• Fórum einn sunnudaginn með teppi, kodda, grein um stjórnmálakerfið í Úkraínu og yfirstrikunarpenna á Donauinsel sem er eyja sem liggur í miðri Dóná (sem rennur í gegnum Vín sem og marga fleiri staði í Evrópu). Þar sóluðum við okkur, tókum myndir og ég þóttist lesa...
• Fórum í uppáhalds "second hand" (draslara) búðina okkar þar sem við fundum nokkrar gersemar og röltum meðfram Donaukanal
• Kirkjan þar sem ég kenni ensku 1x í viku er í 23.hverfi Vínar (semsagt úthverfi) og meðlimir hennar safna fullt fullt af dóti allt árið um kring og halda svo flóamarkað 2x á ári. Annar af þeim var haldinn sl. laugardag og þangað kíktum við og náðum að kaupa okkur slatta af fötum og dóti á skít og kanil (dæmi: flottur, nýlegur kjóll kostaði 160 kr, 5 slaufur kostuðu einnig saman 160 kr). Ekki langt frá kirkjunni er önnur kirkja sem heitir Wotrubakirche sem er virkilega áhugaverð hönnun - og alls ekkert kirkjuleg. Við kíktum þangað og skoðuðum og tókum myndir.
• Ég kíkti með austurrísku vinkonu  minni, Önnu á Retro Stefson tónleika. Þeir voru æði!

Á Donauinsel

Eyþór að spóka sig á Maria-Theresien Platz

Donaukanal

á flóamarkaðnum

það var of mikið drasl inni..

Wotrubakirche

Í dag hefði elsku besta Gerða amma mín orðið 80 ára.

Ó hvað ég sakna hennar...

(Á myndinni þar sem ég er á Donaukanal er ég einmitt með perlufesti og belti sem var í hennar eigu)

Ég er annars hálfnuð að fara yfir myndirnar frá Barcelona... þannig að ferðasaga og myndir soon to come!