Sunday, May 29, 2011

Síðustu Vínardagar drengsins

Það er lítið að frétta af mér. Þessi helgi er búin að vera blaut! Hellidemba bæði á föstudaginn og í gær sem var fínt þar sem ég þurfti að vera inni að skrifa ritgerð. Og nú er ég búin með 15 bls. ritgerð sem ég á að skila í nóvember 2011, ágætis sjálfsagi á minni hah? :) Systemið hérna í skólanum er svo skrítið, maður má í rauninni skila lokaritgerðum einhverjum mánuðum EFTIR að önninni lýkur en þar sem ég er að fara heim og beint í BA skrif í sumar þá nenni ég ekki að hafa þetta hangandi yfir mér. Og svo þarf ég að sjálfsögðu einkunnir til þess að fá Línið þannig að ég ákvað að demba mér útí þetta núna þar sem ég ætla að klára 2 aðrar svona lokaritgerðir áður en ég fer heim til Íslands þann 28.júní.

Ég verð nefnilega svaka upptekin þangað til ég fer heim og þarf því að skipuleggja tímann minn vel. Núna á fimmtudaginn ætla ég að fara í heimsókn til Ingibjargar frænku minnar til Kaupmannahafnar og vera hjá henni yfir helgina. Er mjög spennt fyrir því þar sem ég hef aldrei komið til Köben! Þegar ég kem svo aftur heim til Vínar líða bara nokkrir dagar þangað til ég fæ bestu mína hana Eddu Rós í helgarheimsókn til mín. Þið getið rétt ímyndað ykkur spenninginn í okkur... 
Og svo ætla mamma og amma að koma til mín viku áður en ég fer heim og fljúga svo með mér til Íslands. 

Þannig að allir mínir lausu tímar fara þessa dagana í fyrirframlærdóm til þess að geta notið ferðalagsins næstu helgi og svo heimsóknanna í júní af fremsta megni.

Ég hef ekki tekið eina einustu skemmtilegu ljósmynd frá því Eyþór fór (hef bara tekið myndir af mat..) þannig að hérna eru nokkrar myndir frá tveimur síðustu dögunum hans Eyþórs í Vín þar sem sólin glampaði og heitt var í veðri og við röltuðum um borgina og fórum útað borða.


Sigmund Freud Park við hliðina á skólanum mínum sem sést þarna

hver tanar með sínum hætti..

komin í enn einn garðinn, þessi er rétt hjá sædýrasafninu Haus des Meeres






fyrir utan AJ's American Diner (Eyþór fékk að ráða síðustu kvöldmáltíðinni)

við borðuðum úti og fylgdumst með nokkrum krökkum æfa sig í Parkour

Rottumódelið 

síðasta Vínarparamyndin

Monday, May 23, 2011

Mánudagsdeit: Paella og Prater

Síðan Eyþór fór heim hef ég verið Busygirl og varla haft tíma til að vera Lonelygirl (nema kannski fyrsta sólahringinn, þá var mikið sakn í gangi). Þessi helgi var æðisleg þar sem nokkuð margir skiptinemavinir mínir frá haustönninni komu í heimsókn til Vínar. Við gerðum heilan helling og erum ekki enn hætt, á morgun er síðasti dagurinn þeirra hér og við erum með plön sem innihalda Forever21 og sundlaugarbakkahangs og jafnvel sund í Alte Donau. Krakkarnir voru með myndavélarnar á lofti alla helgina (ég nennti aldrei að taka hlunkinn minn með) þannig að ég bíð eftir að þau setji inn myndir, þá mun ég koma með helgarfærslu með einhverjm af myndunum þeirra.

Annars eru hér fyrir neðan myndir frá nýlegu mánudagsdeiti okkar Eyþórs. Við eyddum deginum við Alte Donau, á sundlaugarbakkanum ásamt nokkrum ellilífeyrisþegum og nutum sólarinnar. Fórum svo útað borða á kósý spænskum stað við Scwedenplatz og fengum okkur paella. Kíktum svo í Prater skemmtigarðinn, fórum í ógeðslega skemmtilega fallturninn (laaanguppáhalds tívoítækið mitt!) og kepptum svo við hvort annað í minigolfi.

maður er alltaf jafn sáttur þegar maður fær brauðkörfu á veitingastað

fyrir utan spænska veitingastaðinn

Tívolímadness

Kósý ljósin í Prater

fallturninn góði

ævintýraleg mynd!

sigurvegari Mini golf keppninnar

ég virtist hafa gleymt pútthæfileikum mínum í byrjun en tók svo við mér á seinni 9


Sunday, May 15, 2011

Matarperrinn part 2

Nú er ég orðin LonelyGirl í Vín þar sem ástmaður minn þurfti að drífa sig heim til Íslands til þess að byrja í sumarvinnunni. Þannig að búast má við færri myndum af okkur hjúunum í alls kyns leiðöngrum (vá skrítið orð) um Vínarborgina góðu. Ég á samt inni nokkrar myndir af síðustu deitunum okkar hér í borg sem ég set inn á næstu dögum þegar ég hef ekkert til þess að sýna ykkur.

En for now þá verðiði að sætta ykkur við smá foodporn frá matarperranum...

Glæsilegt listaverk sem Eyþór gerði síðasta daginn sinn í Vín á AJ's American Diner

Chili SIN carne ala ég

Týpískur hádegismatur á Landgutgasse. Ég með knödel - og eggjasalat og Eyþór með afganga (af Tom Yum kjúklinganúðlusúpu) og tveimur eggjum (við erum kreisí eggjalovers!)

ég eelska að kreista sítrónu útí djúsinn minn

Paella á spænskum veitingastað á Schwedenplatz - ein með kjúlla og ein með sjávarfangi

nomm nomm! verið að covera skjaldbökurnar

Fyrsta risottoið mitt! Ég hafði aldrei smakkað risotto þar til ég kom hingað en ákvað að prófa að smakka á ítölskum veitingastað stuttu eftir að við fluttum hingað. Ég varð yfir mig hrifin og langaði að prófa að gera sjálf. Þessa uppskrift fékk ég hjá Katharinu vinkonu minni en hún eldaði svona handa mér fyrir ekki svo löngu. Í þessu risotto eru sveppir, kúrbítur og sólþurrkaðir tómatar. Ofan á er svo stráð parmesan osti og valhnetum og í mínu tilviki: miklum svörtum pipar. Ótrúlega gott!

Fullt af góðgæti í lautarferð, m.a. tvö heimagerð köld salöt frá afmælisdömunni henni Guðrúnu.

Thursday, May 12, 2011

Afmælislautarferð og útitónleikar á Karlsplatz












Áttum yndislegan laugardag. Fórum í lautarferð í garðinum sem er til sýnis í færslunni hér fyrir neðan með fullt af góðu fólki. Afmælisdaman á næstefstu myndinni og fleiri komu með fullt af góðgæti og það var mikið borðað og kannski smá drukkið á fallega sólardeginum. Lítil börn heilluðu og sérstaklega íslenski glókollurinn sem átti ævintýralegan dag þar sem hann fékk fullt fullt af kexi og gaf með sér, pósaði eins og besta fyrirsæta, fékk fyrstu ástarneitunina frá lítilli dömu sem hann hljóp á eftir en hún sneri sér við og sagði bara "NEIN!" hátt og snjallt. Annar sætur en aðeins stærri íslenskur glókollur varð slappur af súkkulaðiáti og skylmingum við austurríska leikélaga og hélt heim á leið í fallega gula jakka móður sinnar. Um kvöldið héldu svo íslenskir og austurrískir teitisþyrstir afmælisgestir áfram fjörinu heima hjá afmælisbarninu.





Daginn eftir kíkti ég útað borða með ástmanni mínum og fékk mér uppáhalds pastað mitt og jarðaberjaeftirréttinn á Vapiano. Ég rölti svo niður á Karlsplatz og hitti austurríska og íslenska vini sem horfðu og hlustuðu með mér á austurrísku uppáhalds hljómsveitina GINGA spila á útitónleikum fyrir framan Karlskirkju sem lýstist svo fallega upp.

Friday, May 6, 2011

Flóamarkaður, Alois Drasche Park og bananasplitt

Síðasti laugardagur var virkilega indæll.
Nokkrum dögum áður vorum við Eyþór röltandi í átt að Merkur matvöruversluninni hér rétt hjá þegar miði fauk fyrir framan okkur og ég tók hann upp. Þar var verið að auglýsa flóamarkað sem halda átti næsta laugardag í 23.hverfi. Við ákváðum að leggja leið okkar þangað og sáum ekki eftir því þar sem markaðurinn var úti í tjöldum og gamla fólkið sem þar var að vinna var yndislegt og sögðu okkur frá samtökunum sem þau eru í (þar sem ágóðinn af öllu sem selst á markaðnum fer til) þar sem þau hjálpa börnum eftir skóla með heimavinnu og annað (eða það var svona það sem við skildum á austurrískunni...). 
Þegar við komum aftur til baka röltum við í gegnum Alois Drasche park sem er garðurinn rétt hjá okkur, og sá sem við röltum í gegnum oft í viku til þess að komast í ræktina. Garðurinn er orðinn svo fallegur, búið að planta fullt af blómum og trén orðin græn og fín. Við kíktum við í ísbúð og trítuðum okkur með bananasplitti.
(Muna svo að stækka myndir til að sjá þær flottari, helv blogspot fyrir að ljókka þær svona þegar þær eru minnkaðar....)






eina af þessum nælum átti ég "back in the day" (getiði giskað á hverja? hehe..) þegar ég nældi hana í converse skóna mína, sem ég sleit út þangað til mamma henti þeim í minni óþökk. Við Lilja skiptumst á skóm og vorum í sitthvorum rauðum og svörtum (hvernig það gekk upp man ég ekki þar sem hún er með mun stærri fót en ég?). En já, fokkings rokkarar í 9.bekk....

Gamli góði Game Boy, góðar stundir áttum við!


þessa þýsku myndavél frá 1965 tókum við með okkur heim



fallegi Alois Drasche Park


þetta áhugaverða hjól er geymt þarna 24/7 en beint á móti er ræktin okkar, Fit Inn

 bananalistaverk!